October 8, 2009 | 10:53 AM
Sa two-year period na "ligawan," finally ay napasagot na ng Universal Records (UR) si Christian Bautista at ang management ng Stages, na humahawak sa career ng singer, para maging contract artist nila. Galing sa Warner Music si Christian, kung saan niya ginawa ang kanyang self-titled debut album with "The Way You Look At Me" as its carrier single.
Malaking factor daw ang project na iprinisinta ng Universal Records (UR) na gagawin ni Christian sa kanila. Ito ay ang pag-revive ng hit songs ni Jose Mari Chan sa kanyang first album under UR. Ito nga ang Christian Bautista, Romance Revisited: The Love Songs of Jose Mari Chan.
How does it feel na, this time, iba naman ang recording company niya?
"Noong una, kinakabahan kami. It's always a risk, e. It's always a risk to get out of your comfort zone. Pero it was a step of faith that we have to do and it was rewarded by this album," saad ng singer.
Isa ba si Jose Mari sa maituturing niyang idol or influence sa pagkanta niya noon?
"Siguro. Kasi, sa bahay namin, meron kaming tape ng Constant Change at saka Christmas in Our Hearts. So, dati ko pa siyang naririnig every Christmas or every time my parents will play. So, I'm just very honored na ngayon, ako naman ang pinakanta niya."
May effort ba sa kanya na baguhin ang rendition niya o may instances na nagagaya niya ang pagkanta ni Jose Mari?
"Hindi naman," sabi ni Christian. "Dapat lang, conscious ako na habang nire-record ko, hindi masyadong pareho at hindi rin masyadong iba. Dapat yung sakto lang talaga"
Madalas daw silang magka-text at tawagan ni Jose Mari and talk about the album. Kaya malaki raw ang pasasalamat niya na sa hanay ng local singers ngayon, siya ang pinahintulutan nito na mag-revive ng kanyang mga kanta ni Jose Mari, na naka-achieve na ng Double Diamond award.
Ano naman ang sinabi ni Jose Mari sa pag-interpret ni Christian sa mga kanta niya?
"Noong una, yung master [copy], pinarinig namin sa kanya. Sabi namin, 'Sir, I hope you'll like it, medyo kinakabahan ako. But I really hope you'll appreciate.' Tapos, tinext niya 'ko. Sinabi niya that, 'You sang it very well, you voice is very soothing. So, congratulations.' Nagustuhan niyang talaga," kuwento ni Christian.
With all the songs in his latest album, ano yung masasabi niyang nakaka-relate siya?
"'Beautiful Girl,'" mabilis niyang sagot. "Kasi kung titingnan n'yo ang lyrics, beautiful girl, wherever you are... I know when I saw you... So, parang hinahanap ko siya. At kung dumating siya, ready ako na pakasalan siya or gawin siyang girlfriend. Pero sa ngayon, hindi naman yung hinahanap na, 'Nasaan ka na? Nasaan ka na? Ang lungkot ko kapag wala ka.' Hindi naman ganoon."
SINGLE & AVAILABLE. Open naman si Christian sa pagsasabing he's still single. After his relationship with Rachelle Ann Go, wala pa rin siyang nagiging seryosong relasyon since then; unlike Rachelle na may bago nang boyfriend, si Gab Valenciano.
"Na serious? Wala pa... wala pa," sambit ni Christian.
So, may mga not-so-serious naman pala?
"Yung mga ano lang... mga dating lang. Getting-to-know, pero hindi umabot sa relationship."
Read the full article here:
http://www.pep.ph/news/23454/Christian-Bautista-says-moving-to-Universal-Records-is-a
No comments:
Post a Comment